கும்பம்

14-5-2024 முதல் 14-6-2024 வரை

(அவிட்டம் 3ம் பாதம் முதல் சதயம், பூரட்டாதி 3ம் பாதம் வரை)

குடும்பம்: ஜென்மச் சனியின் தோஷம் பிடியில் உள்ள உங்களுக்கு, மாதம் முழுவதும் சுக்கிரன் சமய சஞ்ஜீவியாகக் கைகொடுத்து உதவுகிறார். குருவினால் நன்மை எதையும் எதிர்பார்க்க இயலாது. ஜென்ம ராசியில், சனி பகவான் அமர்ந்திருந்தாலும், அவரது ஆட்சிப் பீடமாகத் திகழ்வதால், அதிக சிரமங்களை ஏற்படுத்த மாட்டார். அஷ்டம ஸ்தானத்தையும், ஜீவன ஸ்தானத்தையும், விரயத்தையும் குரு பகவான் பார்ப்பதால், சோதனைகளின் கடுைம குறைகிறது. பாக்கிய ஸ்தானத்தில் செவ்வாய் – ராகு இணைந்திருப்பதால், பேச்சிலும், பிறருக்கு வாக்களிப்பதிலும் எச்சரிக்கையாக இருப்பது மிகவும் அவசியமாகும். தன ஸ்தானத்திற்கு தோஷம் ஏற்பட்டிருப்பதால், பணம் பல வழிகளிலும் விரயமாகும். மனதை உறுதியாக வைத்துக்கொண்டு, வீண் செலவுகளைத் தவிர்த்தால், வரும் மாதங்களில் பணப் பிரச்னை இல்லாமல் இருக்க முடியும். திருமண முயற்சிகளில் ஏமாற்றமே மிஞ்சும். வரனைத் தேர்ந்தெடுப்பதில், கடும் பிரச்னைகள் ஏற்படும். நீதிமன்ற வழக்குகள் இருப்பின், எவ்வித முடிவும் தெரியாமல் நீடிக்கும். பணம், பல வழிகளிலும் செலவழியும். அர்த்தாஷ்டகத்தில் சூரியன் இருப்பதால், ஆரோக்கியக் குறைவு உண்டாகும். மருத்துவச் செலவுகளும் கவலையை அளிக்கும். ஜென்ம ராசியில் சனிபகவான் நிலைகொண்டிருப்பதால், அதிக அலைச்சலையும், வெளியூர்ப் பயணங்களையும் தவிர்க்க இயலாது.

உத்தியோகம்: ஜென்ம ராசியில் சனி பகவானும், அர்த்தாஷ்டக ராசியில் சூரியனும், அஷ்டமத்தில் கேதுவும் சஞ்சரிப்பதால், உத்தியோகப் பொறுப்புகள் சம்பந்தமாக அடிக்கடி வெளியூர்களுக்குச் செல்லவேண்டியிருக்கும். அலைச்சலும், உழைப்பும் கடுமையாக இருக்கும். எவ்வளவுதான் உண்மையாக உழைத்தாலும், மேலதிகாரிகளைத் திருப்தி செய்வது கஷ்டமாக இருக்கும். கும்பம், சனி பகவானின் ஆட்சிப் பீடமாக இருப்பதால் உங்கள் உத்தியோகத்திற்கு எவ்விதப் பாதிப்பும் ஏற்படாது. நியாயமாக உங்களுக்கு அளிக்க வேண்டிய ஊதிய உயர்வு, மற்றும் சலுகைகள் ஆகியவை கிடைப்பதில் தாமதம் ஏற்படும். புதிய வேலைக்கு முயற்சித்துவரும் கும்ப ராசியினருக்குத் தடங்கலும், தாமதமும் ஏற்பட்டு, கவலையளிக்கும். கிடைக்கும் வேலையிலும் மனத் திருப்தியிராது. வேலைக்குச் சென்றுவரும் பெண்மணிகளுக்கு, மேலதிகாரிகளின் கண்டிப்பு கவலையையும், வேலையில் வெறுப்பும் உண்டாகும்.

தொழில், வியாபாரம்: கிரக நிலைகளின்படி, அதிக அலைச்சலும், வெளியூர்ப் பயணங்களும் இருப்பினும் விற்பனை எதிர்பார்க்கும் அளவிற்கு இராது என்பதை கிரக நிலைகள் குறிப்பிட்டுக் காட்டுகின்றன. சந்தை நிலவரம் சாதகமாக இல்லை. நியாயமற்ற போட்டிகள் அதிகரிக்கும். பெரிய நிறுவனங்களிலிருந்து, விற்பனை சலுகைகள் அதிகரிப்பதால், சில்லரை விற்பனையாளர்களின் விற்பனையும் லாபமும் பாதிக்கப்படும்.

கலைத்துறையினர்: வாய்ப்புகள் குறையும். பிரபலமாக உள்ள சில கலைஞர்களைத் தவிர, மற்றவர்களுக்கு வருமானம் குறையும். அலைச்சல் அதிகரிக்கும். கிடைத்த வாய்ப்புகளிலும்கூட, வருமானம் மற்றும் நல்ல சந்தர்ப்பங்கள் கைநழுவிப்போகும். உங்கள் குடும்பச் செலவுகளைத் திட்டமிட்டுக் கட்டுப்படுத்திக் கொள்வது மிகவும் அவசியம். இல்லாவிடில், கடைசி வாரத்தில் பணப் பற்றாக்குறை கடுமையாக இருக்கும்.

அரசியல்துறையினர்: கட்சியில் மறைமுக எதிர்ப்புகள் உருவாகும். மக்களிடையே இருந்துவந்த நல்ல செல்வாக்கும் பாதிக்கப்படும். மேல்மட்டத் தலைவர்கள் உங்களைப் பார்ப்பதைத் தவிர்த்துவருவதை அனுபவத்தில் காணலாம். அதனால் மனம் வேதனையடையும். உங்கள் நம்பிக்கைக்கு உரிய பலர் உங்களைவிட்டு விலகிவிடுவார்கள். அரசியலில் நிரந்தரப் பகைவரும் இல்லை. நிரந்தர நண்பரும் இல்லை! எனக் கூறுகிறது, அர்த்த சாஸ்திரம். அந்த உண்மையை இப்போது உணர்வீர்கள்!!

மாணவ – மாணவியர்: புதன் சுப பலத்துடன் விளங்குவதால், படிப்பில் நல்ல முன்னேற்றம் ஏற்படும். நற்குணங்கள் அமைந்த நண்பர்கள் கிடைப்பதை குருவின் பார்வை விசேஷம் எடுத்துக்காட்டுகிறது. தேர்வுகளில் நல்ல மதிப்பெண்களைப் பெறுவீர்கள் என்பதை கிரக நிலைகள் குறிப்பிடுகின்றன. உயர்கல்விக்கு அனைத்து உதவிகளும் தேடிவரும். விளையாட்டுகள், பேச்சுப் போட்டிகள் ஆகியவற்றிலும் வெற்றிக்கனியை எளிதில் ஈட்டுவீர்கள்.

விவசாயத் துறையினர்: வைகாசி 18-ம் தேதியிலிருந்து, செவ்வாய் சுபபலம் பெற்று விளங்குவதாலும், ஜீவன லாப ஸ்தானத்தை குரு பார்ப்பதாலும், அமோக விளைச்சல் மகிழ்ச்சியை அளிக்கும். வருமானம் உயரும். பழைய கடன்கள் இருப்பின், அவற்றை அடைத்து நிம்மதி பெறலாம்.

பெண்மணிகள்: குரு பகவானால் ஓரளவே நன்மைகளை எதிர்பார்க்கலாம். ஆனால், சுக்கிரன் இம்மாதம் முழுவதும் உங்கள் பக்கம் நிற்பதால், உங்கள் எதிர்பார்ப்புகள் அனைத்தும் நிறைவேறும். புதிய ஆபரணங்கள் சேரும். கணவர் – மனைவியரிடையே பரஸ்பர அந்நியோன்யம் ஓங்கும். குழந்தைகளின் கல்வி முன்னேற்றம் மகிழ்ச்சியை அளிக்கும். வேலை பார்க்கும் பெண்மணிகளுக்கு, அலுவலகத்தில் அனைவரின் ஆதரவும், உதவியும் கிடைக்கும்.
அறிவுரை: அதிக அலைச்சலைத் தவிர்க்கவும். பொருளாதாரத்தை சீர்செய்துகொள்ள ஏற்றமாதம் இது. திட்டமிட்டு செலவு செய்யவும்.

பரிகாரம்: திருநள்ளாறு மற்றும் திருக்கொள்ளிக்காடு சென்று, சனி பகவானுக்கு அபிஷேகம் செய்வித்து, நல்லெண்ணெய் தீபம் ஏற்றிவைத்து, தரிசித்துவிட்டு வருவது மிக நல்ல பரிகாரமாகும்.

அனுகூல தினங்கள்:
வைகாசி: 1-3, 8-10, 17-20, 24-26, 30, 31.

சந்திராஷ்டம தினங்கள்:
வைகாசி: 5 முதல், 7 மாலை வரை.
மீண்டும் 32 பிற்பகல் முதல்.

Dinakaran- astrology-logo

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Download Our Apps

Follow Us